ماهو الفرق بين البالة والأستوك ؟!

 الحمد لله والصلاة والسلام على نبينا محمد صلى الله عليه وسلم .

السلام عليكم ورحمة الله وبركاته ، اهلاً وسهلاً بحضراتكم جميعاً في موقع سنتر الوان للملابس الجاهزة .

اليوم نعرض على حضراتكم موضوع في غاية الأهمية يشغل بال جميع العاملين في مجال الملابس الجاهزة.

وإنطلاقاً من سلسلة تعليمية سوف نقوم بنشرها على هذا الموقع موقع مصنع الوان للملابس الجاهزة :

ألا وهو الفرق بين مصطلح باله ، مصطلح استوك :

أولاً : البالة :

هى ملابس مستعملة مستوردة  وأحياناً بيبقى فيها نسبة بالتيكيت وبتتقسم إلى درجات .

1. بالة كريمة : وهي  "أعلي درجات الباله" تفرش بيها محل نسبة تكت عالية ومستعمل نضيف جدا ومزهزه ناقصه التكت بس وبتكون ماركات مشهوره وغالية.

2. واحد فى كريمة: "هذه درجة وسط"  تفرش بيها محل خليط بين الدرجة الاولي والدرجة الكريمة وبتبقي فيها مكسب حلو بسبب سعرها المعقول مقارنه بالكريمة ممكن تلاقي فيها نسبة تكت بس مش كتير والشغل بيكون استعماله نظيف .

3. نمرة واحد ١: "هذه درجة تمشي شعبي" تطعم بيها شغل مش أساسية في محل تناسب الزبون اللي عايز حاجة تتباع بسعر رخيص، تناسب الاحياء الشعبية  

4. السحبه:  "هذه الدرجة التي تكون في فروشات الأسواق" لكن ممكن تكسبك دهب أحسن من الكريمة لو السحبة عالية بمعني انها مسحوبة من كريمه زي الشغل الإنجليزي مثلاً.

ثانيا:اﻻستوكات:

هى تصفيات توكيلات اوروبية جديدة كلها بالتكت وفيها شغل ثريهات "يعني الموديل موجود منه كذا مقاس بنفس اللون والماركة". وطبعا بتكون أغلى من الباله بكثير ويناسب المناطق الراقية جدا او المحلات في المولات الشهيرة.

كيف أعرف أن اﻻستوك موديل السنة الجديدة؟

 التيكيت الداخلى للقطعة مكتوب عليه سريال بتاريخ السنة وطبعاً سهل من لينك اى توكيل تتعرف على موديلات السنة طبعا اﻻستوك بيكون لسنة قبل السنة الحالية بمعنى أننا فى صيف 2022 يبقى اﻻستوك فى السوق بتاع 2021

- الاستوكات بتبقي درجات "a b c" حسب الديفوهات اللي فيها.

لما بكون بشتري استوك بشتري ماركة يعني "زارا" او "اتش اند ام" او "كيابي" او "اورينجال مارينز" او "اوكايدي" او "ستراديفيروس" او "ovs" او "سيرجنت ميجور"  او "سي اند ايه" او "زد" او "تومي" او "تريامف" او "ليفرجي" او "جاك اند جونز"  وطبعا كل ماركة بتبقي مميزه في حاجة معينة سواد أطفال أو حريمي أو رجالي لبس خروج او داخلي.

يوجد طريقتين للشراء إما أن تشتري "براند واحد بس" مثلا "زارا" أو بتشتري "ميكس براند" 

"الميكس براند" :

بيبقي خليط بين ماركتين مشهورين وثلاث ماركات مش معروفة أو أقل في سعرها من الأثنين الآخرين ، ويتم ذلك لكي يتم بيعه بسعر كويس يناسب السوق والزبون.

أما "البراند الواحد" فبيتباع لبراند شهير بيبقي كل البضاعة من نفس الماركة وده بيكون سعره عالي 

كيف أن تشكيل الشغل بيفرق في سعر الاستوك؟ 

التشكيل العالي :

يعني نسبه القِطع اللي بيخطفها الزبون اكتر من الرواكد والقطع اللي وزنها تقيل .. يعني اكثر من نص وزن الكيس اللي بتشتريه يلم تمنه بمكسب ..ولو اتبقي الرواكد ما يخسروكش لو اتباعوا بتمنهم.

ممكن تلاقي تاجرين بيبعوا نفس البراندين بسعرين مختلفين  وده بيرجع لتشكيل الشغل.

"يعني ايه تشكيل شغل مثلا في كيس ملابس اطفال" ؟

يعني تلاقي نسبة فستان وبلوزه وقميص وتشرت أكتر من البنطلون أو الجيبة أو الشورت هنا التشكيل يبقي كويس.  

"السعر االلي بتشتري بيه  لازم يطابق قيمة البضاعه والتشكيل":

 بمعني لو شايف ان هتعرف تكسب من الشغل توكل على الله لكن لو شوفت ان التشكيل مش قد كده والسعر عالي يبقى بلاش طبعا.

من فضلك ضع استفسارك اسفل في تعليق ومصنع ألوان للملابس الجاهزة سيقوم بالإجابة على الأسئلة الجديدة ان شاء الله بما يتاح لدينا من معرفة.